Ulaanbaatar
Улаанбаатар хотоос ирж буй иргэдэд анхааруулга хүргүүлэв
ОРОН НУТГИЙН МЭДЭЭ | СЭЛЭНГЭ
Сэлэнгэ/МОНЦАМЭ/.Сэлэнгэ аймгийн Сүхбаатар
сумын Онцгой комиссоос Улаанбаатар хотод
хязгаарлалтад ороод буй иргэдэд хандаж дараах мэдээллийг хүргэлээ. Улаанбаатар хотоос нийтийн тээврээр татан авах
Сүхбаатар сумын иргэдийг энэ сарын 27-ны өдрийн 18.00
цаг хүртэл бүртгэх бөгөөд зорчих
хүсэлтэй иргэд 99147928 дугаарт хандаж бүртгүүлэх юм байна.
Нийслэл хотоос ирж буй иргэд дараах шаардлагыг
биелүүлсэн байхыг анхаарууллаа. Үүнд:
-PCR шинжилгээнд хамрагдсан байх шаардлагатай
бөгөөд шинжилгээний хариу 72 цагийн дотор хүчинтэй байна. Мөн PCR шинжилгээний хариу хүчинтэй эсэхээ шалгах,
хүчинтэй хугацаа дууссан тохиолдолд дахин PCR шинжилгээнд хамрагдана.
-Иргэд бага насны хүүхэдтэй зорчих бол тэднийг ч мөн
бүртгэлд хамруулсан байх шаардлагатай аж. УОК-ын зөвлөмжийн дагуу 12-оос доош насны хүүхэд эцэг эхтэйгээ
хамт яваа тохиолдолд PCR шинжилгээ шаардлагагүй. Бусад бүх тохиолдолд заавал PCR шинжилгээ
өгсөн, хариу нь хүчинтэй байна.
-Бүртгэлд үндсэн мэдээлэл, Сэлэнгэ аймаг
Сүхбаатар суманд оршин суух баг, хаяг зэргийг заавал бүртгүүлсэн байх ажээ.
