Ulaanbaatar
Эрдэс баялгийн мэргэжлээр тэтгэлэгтэй суралцах залуус батламж гардлаа
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. Эрдэс баялгийн салбарт мэдлэг чадвартай, нарийн мэргэжлийн боловсон хүчин бэлтгэх хөтөлбөрийн хүрээнд зохион байгуулсан сонгон шалгаруулалтад тэнцсэн 7 оюутан бакалаврт суралцах, 10 оюутан магистрт суралцах батламж гардлаа.
Батламжийг Уул уурхай, хүнд үйлдвэр /УУХҮ/-ийн яамны Төрийн нарийн бичгийн дарга Г.Нандинжаргал гардуулжээ.
“Монгол Улсын Засгийн
газраас газрын тосны гэрээлэгч компаниудтай байгуулсан “Бүтээгдэхүүн хуваах
гэрээ”-ний дагуу газрын тосны хайгуул олборлолтын ажил гүйцэтгэж буй гадаад,
дотоодын компаниудаас олгодог сургалтын урамшууллын хөрөнгөөр суралцах иргэдийг
сонгон шалгаруулах, хөрөнгийг зарцуулах журам”-ыг Монгол Улсын Засгийн газрын
2013 оны 291 дүгээр тогтоолоор баталсан юм.
Энэ тогтоолын хүрээнд
Уул уурхайн, хүнд үйлдвэрийн сайд, Боловсрол, соёл, шинжлэх ухаан, спортын
сайдын хамтарсан 2020 оны А/92, А/227 дугаар тушаалаар батлагдсан Сонгон
шалгаруулалтын комисс өнгөрсөн сарын 15-нд сонгон шалгаруулалтыг
хоёр үе шаттай явуулжээ.
