Ulaanbaatar
Буянт хотхон хүүхдийн зуслан байнгын гэрэл цахилгаантай болно
ОРОН НУТГИЙН МЭДЭЭ | ӨМНӨГОВЬ
Өмнөговь /МОНЦАМЭ/ Өмнөговь аймгийн хүүхдийн зуслан энэ жил байнгын гэрэл цахилгаантай болно.
Өмнөговь аймгийн төв Даланзадгадаас Буянт хотхон хүүхдийн зуслан хүртэл 10 кв-ын цахилгаан дамжуулах агаарын шугамын дэд станцыг барьж байгуулах ажлыг хийж байна. Ирэх 6-р сард дуусгаж ашиглалтад оруулах юм. Энэхүү бүтээн байгуулалтыг орон нутгийн төсвийн нэг тэрбум төгрөгийн хөрөнгө оруулалтаар хийж байгаа аж. Уг ажлыг гурван компани нэгэн зэрэг гүйцэтгэж байгаа юм байна. Ийнхүү хүүхдийн зуслан байнгын гэрэл цахилгаантай болсноор хүүхдүүд зуныхаа амралтыг ая тухтай орчинд сурч боловсрон өөрсдийгөө хөгжүүлж өнгөрүүлэхэд дөхөм болох юм.
Тус хүүхдийн зуслан нэг ээлжиндээ 250 хүүхэд хүлээн авах хүчин чадалтай бөгөөд Даланзадгаас 35 километрт байрладаг юм.
