Ulaanbaatar
Намагт шигдсэн иргэнийг аварчээ
ОРОН НУТГИЙН МЭДЭЭ | СЭЛЭНГЭ
Сэлэнгэ /МОНЦАМЭ/. Сэлэнгэ аймгийн Сүхбаатар сумын нутаг дэвсгэр дэх "Буур хээр”-ийн 8-р багт орших “Буурын
гол”-ын намагт хүн шигдэн гарч
чадахгүй байгаа дуудлага энэ сарын 4-ний өдрийн 15:46 цагт аймгийн Онцгой
байдлын газарт иржээ.
Дуудлагын мөрөөр аймгийн Онцгой байдлын газрын эрэн хайх аврах ангийн бүлэг гарч, ослын голомтод очиж ажилласан байна. Аврагчид намагт шигдсэн иргэн Д-гийн амь насыг нь аварч эмнэлгийн байгууллагад хүлээлгэн өгчээ.
Сэлэнгэ аймгийн Сүхбаатар сумын нутаг дахь “Буур хээр”-ийн орчмоор намаг ихтэй байдаг юм.
