Ulaanbaatar
“Анд Энерги” компани хувьцааныхаа 34 хувийг нийтэд арилжина
МОНГОЛЫН МЭДЭЭ | ЭДИЙН ЗАСАГ
Улаанбаатар/МОНЦАМЭ/. Санхүүгийн зохицуулах хорооны ээлжит хуралдаанаар, нээлттэй хувьцаат компани болон өөрчлөн зохион байгуулагдаж буй “Анд Энерги” ХХК-ийн нэг бүр нь нэг төгрөгийн нэрлэсэн үнэ бүхий 78 070 758 ширхэг энгийн хувьцааг үнэт цаасны бүртгэлд бүртгэхээр шийдвэрлэлээ.
Тус компани 2011 онд байгуулагдан цахилгааны угсралт, суурилуулалт, автоматжуулалтын үйл ажиллагаа явуулж байгаад 2014 онд LED гэрлийн “Эрдэнэт лед” үйлдвэрээ ашиглалтад оруулжээ. Үйлдвэрийнхээ хүчин чадлыг нэмэгдүүлэх зорилгоор нээлттэй хувьцаат компани болон шинэчлэгдэж, хувьцааныхаа 34 хувийг олон нийтэд арилжихаар төлөвлөсөн байна.
Хорооны хуралдаанаас, шинээр бүртгэсэн үнэт цаасны 51 526 700 ширхэг буюу 66 хувийг “Анд Энерги” ХК-ийн үүсгэн байгуулагч, хувьцаа эзэмшигчдийн эзэмшилд бүртгэж, 26 544 058 ширхгийг тус бүрийн үнийг 60 төгрөгөөр нийтэд санал болгон худалдахыг зөвшөөрөв.
Хувьцааны анхдагч зах зээлийн арилжааг “Монголын Үнэт цаасны бирж” ХХК эрхлэн гүйцэтгэх бөгөөд энэ нь тус компанийн анхны арилжаа юм.
Хороо үнэт цаасны арилжаа эрхлэх болон төлбөр тооцооны байгууллагуудын өрсөлдөх чадварыг дээшлүүлэх, жижиг дунд үйлдвэрлэл эрхлэгчдийг дэмжсэн биржийн тогтолцоог бий болгох үүднээс “Монголын Үнэт цаасны бирж” ХХК-д 2015 онд тусгай зөвшөөрөл олгосон юм. Тус компани Монголын анхны хувийн бирж бөгөөд одоогийн байдлаар 11 гишүүн үнэт цаасны компанитай болоод байна.
“Анд Энерги” ХК-д андеррайтерийн үйлчилгээг “Бумбат-Алтай ҮЦК” ХХК үзүүлэх бөгөөд хувьцааны 80 ба түүнээс дээш хувийг анхдагч зах зээлд арилжаалсан тохиолдолд амжилттай болсонд тооцохоор хуралдаанаас шийдвэрлэв. Зарагдаагүй үлдсэн хэсгийг худалдаж авахыг “Бумбат-Алтай ҮЦК” ХХК-д үүрэг болгож, хангалтгүй ажилласан тохиолдолд хууль, тогтоомжид заасны дагуу хариуцлага хүлээлгэхийг анхааруулав.
Тус компани 2011 онд байгуулагдан цахилгааны угсралт, суурилуулалт, автоматжуулалтын үйл ажиллагаа явуулж байгаад 2014 онд LED гэрлийн “Эрдэнэт лед” үйлдвэрээ ашиглалтад оруулжээ. Үйлдвэрийнхээ хүчин чадлыг нэмэгдүүлэх зорилгоор нээлттэй хувьцаат компани болон шинэчлэгдэж, хувьцааныхаа 34 хувийг олон нийтэд арилжихаар төлөвлөсөн байна.
Хорооны хуралдаанаас, шинээр бүртгэсэн үнэт цаасны 51 526 700 ширхэг буюу 66 хувийг “Анд Энерги” ХК-ийн үүсгэн байгуулагч, хувьцаа эзэмшигчдийн эзэмшилд бүртгэж, 26 544 058 ширхгийг тус бүрийн үнийг 60 төгрөгөөр нийтэд санал болгон худалдахыг зөвшөөрөв.
Хувьцааны анхдагч зах зээлийн арилжааг “Монголын Үнэт цаасны бирж” ХХК эрхлэн гүйцэтгэх бөгөөд энэ нь тус компанийн анхны арилжаа юм.
Хороо үнэт цаасны арилжаа эрхлэх болон төлбөр тооцооны байгууллагуудын өрсөлдөх чадварыг дээшлүүлэх, жижиг дунд үйлдвэрлэл эрхлэгчдийг дэмжсэн биржийн тогтолцоог бий болгох үүднээс “Монголын Үнэт цаасны бирж” ХХК-д 2015 онд тусгай зөвшөөрөл олгосон юм. Тус компани Монголын анхны хувийн бирж бөгөөд одоогийн байдлаар 11 гишүүн үнэт цаасны компанитай болоод байна.
“Анд Энерги” ХК-д андеррайтерийн үйлчилгээг “Бумбат-Алтай ҮЦК” ХХК үзүүлэх бөгөөд хувьцааны 80 ба түүнээс дээш хувийг анхдагч зах зээлд арилжаалсан тохиолдолд амжилттай болсонд тооцохоор хуралдаанаас шийдвэрлэв. Зарагдаагүй үлдсэн хэсгийг худалдаж авахыг “Бумбат-Алтай ҮЦК” ХХК-д үүрэг болгож, хангалтгүй ажилласан тохиолдолд хууль, тогтоомжид заасны дагуу хариуцлага хүлээлгэхийг анхааруулав.
Б.Заяа
