Хятадын ногоон хөгжилд сүүлийн 10 жилд гарсан ололт

khulan@montsame.gov.mn

2022-10-12 14:27:16

БЭЭЖИН. /China Daily/. Хятад улсын экологийн орчин сүүлийн 10 жилийн хугацаанд дараах байдлаар сайжирчээ.

Нүүрсхүчлийн давхар ислийн ялгарлыг бууруулах чиглэлд

Хятад улс 2030 оноос өмнө нүүрстөрөгчийн давхар ислийн ялгарлын оргил үеийг дуусгавар болгож, 2060 он гэхэд ийм хийн ялгарлыг бууруулахад аядуу бодлого баримтлах зорилт дэвшүүлээд байгаа юм.
Хятадад сүүлийн жилүүдэд эдийн засгийн өсөлт жилд дунджаар 6.5 хувьтай байсан бол эрчим хүчний хэрэглээний жилийн өсөлт ойролцоогоор 3 хувьтай байжээ.
Мөн ДНБ-д ногдох CO2-ын ялгарал 34 хувиар буурсан байна.
Эрчим хүчний хэрэглээн дэх цэвэр эрчим хүчний эзлэх хувь 2012 онд 14.5 хувь байсан бол 2021 онд 25.5 хувьд хүрч өсжээ.
Хятад улс нь устөрөгч, салхи, нарны эрчим хүчний суурилагдсан хүчин чадлаараа дэлхийд нэгдүгээрт жагсаж байна.

Мод тарих чиглэлд

Хятадын ой бүхий талбайн хэмжээ 2012 онд 20.36 хувь байсан бол 2022 онд 23.04 хувьд хүрч өссөн байна.
Хятадын шинээр ойжуулсан газар нутгийн хэмжээ дэлхийн нийт үзүүлэлтийн 25 орчим хувийг эзэлж байна.

Ус, агаарыг цэвэршүүлэх чиглэлд

Ундны хэрэглээнд тохиромжтой буюу чанарын гурав болон түүнээс дээш түвшний ангиллын гадаргын усны эзлэх хувь 2012 онд 61.4 хувь байсан бол 2021 онд 84.9 хувьд хүрчээ.
Харин хөдөө аж ахуй, аж үйлдвэрийн хэрэглээнд ч зохисгүй буюу чанарын тав болон түүнээс доош түвшний ангиллын гадаргын усны эзлэх хувь 2012 онд 11 хувь байсан бол 2021 онд 1.2 хувьд хүрч буурсан байна.
2021 онд мужийн болон түүнээс дээш түвшний хотуудын агаар дахь “PM2.5” тоосонцрын дундаж агууламж 2015 оны үеийнхээс 34.5 хувиар буурчээ.