Ulaanbaatar
“Алт-2” хөтөлбөрийн санхүүжилтийг үргэлжлүүлэхээр болов
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. “Алт-2” хөтөлбөрийг эрчимжүүлэх хөнгөлөлттэй санхүүжилтийн
түр журмын хэрэгжилтийн хүрээнд өнгөрсөн онд 17 ААН-д 333 тэрбум төгрөгийн санхүүжилт олгожээ. Компаниуд тухайн ондоо зээлээ бүрэн төлж
барагдуулсан талаар УУХҮЯ-наас мэдээлэв.
Коронавируст халдварын улмаас эдийн засагт үүссэн
хүндрэлийг хохирол багатай даван туулах, төгрөгийн ханшийн тогтвортой байдлыг
хангах зорилгоор УУХҮ-ийн
сайд, Монголбанкны ерөнхийлөгч нар 2020 онд хамтарсан тушаал гаргаж, “Алт-2”
үндэсний хөтөлбөрийг эрчимжүүлэх зорилгоор олгох хөнгөлөлттэй санхүүжилтийн түр
журмыг шинэчилсэн юм.
Журмын хэрэгжилтийг УУХҮ-ийн дэд сайд О.Батнайрамдал, Монголбанкны
дэд ерөнхийлөгч Г.Энхтайван нар алт олборлогч ААН-үүдийн төлөөлөлтэй уулзав. Мөн өчигдөр УУХҮ-ийн сайд Г.Ёндон, Монголбанкны дэд
ерөнхийлөгч Г.Энхтайван нар арилжааны банкны төлөөллүүдтэй уулзаж, хөтөлбөрийн
хэрэгжилтийг эрчимжүүлэхэд шаардагдах асуудлаар санал солилцсон байна. Үүний үр дүнд алт олборлогч ААН-үүдийн
үйл ажиллагааг дэмжих үүднээс тус журмын үйлчлэлийг энэ онд үргэлжлүүлэхээр болжээ.
