Ulaanbaatar
Гэрээ хэлцэл байгуулахад сайн хэмээжээ
ЛАВЛАГАА
Улаанбаатар /МОНЦАМЭ/. Өнөөдөр аргын тооллын 2021 оны тавдугаар
сарын 26. Лхагва гараг. Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Зуны тэргүүн харагчин
могой сарын 15. Буд гараг. Онгоц одтой, зургаан цагаан мэнгэтэй, хөх нохой
өдөр. Сар хиртэнэ. 20 цаг 34 минутаас 21 цаг 49 минутын хооронд үргэлжлэх ба
оргил үе нь 20 цаг 38 минутанд харагдана.
Барилдлага: Идэр
Шүтэн барилдлага: Авахуй
Суудал: Төмөр
Өдрийн наран 5 цаг 02 минутад мандан, 20
цаг 37 минутад жаргана. Тухайн өдөр бар жилтнээ аливаа үйлийг хийхэд эерэг сайн
ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ
энхрийлүүштэй. Эл өдөр эе, эвээ ололцох, хамтын хөдөлмөр эрхлэх, гэрээ хэлцэл
байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах,
угаал үйлдэх, хүүхэд үрчлэн авах, андгай тангараг, гэрээ хэлцэл буцаахад сайн.
Нүүдэл суудал хийх, хэрүүл тэмцэл хийх, хүүхэд
хөлд оруулахад муу. Өдрийн сайн цаг нь бар, луу, могой, тахиа, гахай болой. Хол
газар яваар одогсод баруун урагш мөрөө гаргавал зохистой. Хүүхдийн сэвлэг
үргээлгэх буюу үс засуулбал өлзийтэй сайн хэмээжээ.
