Ulaanbaatar
"Стандарт агрикалчер групп", "Баянгол зочид буудал" ХК-ийн ханш хамгийн их өсөв
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Монголын Хөрөнгийн биржид өнөөдөр, 8 дугаар сарын 4-нд энгийн арилжаагаар I, II, III ангиллын 33 ХК-ийн 311.2 сая төгрөгийн үнийн дүн бүхий 243.841 хувьцаа арилжив. Үүнээс 11 ХК-ийн хувьцааны ханш өсөж, 15 ХК-ийн хувьцааны ханш буурсан бол 7 үнэт цаасны ханш тогтвортой байлаа.
Энэ өдөр "Стандарт агрикалчер групп" (SOH+9.09%) болон "Баянгол зочид буудал" ХК (BNG+6.45%)-ийн хувьцааны ханш хамгийн өндөр өсөлттэй байсан бол "Ремикон" (RMC-8.45%) болон "Шарын гол" ХК (SHG-7.31%)-ийн хувьцаа хамгийн их уналттай байлаа.
Компанийн бондын хоёрдогч зах зээлийн арилжаагаар 3 үнэт цаасыг 300.000 төгрөгөөр арилжсан байна.
"TOP 20" индекс 0.65 хувиар буурч 16445.43 нэгжид хүрсэн бол зах зээлийн үнэлгээ 2,511,675,466,525.03 төгрөг боллоо. Арилжааны дэлгэрэнгүй мэдээллийг энд дарж үзнэ үү.
