Ulaanbaatar
Монгол, Израилын харилцаа, хамтын ажиллагааны талаар ярилцав
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Гадаад харилцааны сайд Д.Цогтбаатар Израил Улсаас Монгол Улсад хавсран суугаа Элчин сайд Цви Хэйфэцийг энэ сарын 28-нд хүлээн авч уулзан хоёр улсын харилцаа, хамтын ажиллагааны өнөөгийн байдал, бүс нутаг болон олон улсын харилцааны сонирхсон асуудлаар ярилцав.
Элчин сайд Цви Хэйфэц Гадаад харилцааны сайдыг Израилд айлчлах урилгатайг нотолж, хоёр талын хамтын ажиллагааг бүхий л түвшинд өргөжүүлэн хөгжүүлэхийн төлөө ажиллахаа тэмдэглэв. Түүнчлэн хоёр улсын ГХЯ-д хоорондын улс төрийн зөвлөлдөх уулзалтыг 2020 онд Израилд зохион байгуулахаар төлөвлөж байгааг мэдээлсэн юм.
Монгол, Израилын хөдөө, аж ахуйн хамтын ажиллагааны хүрээнд 2018-2019 онд Израил Улсын “Агростадийс” байгууллагын шугамаар Монголын их, дээд сургуулийн 36 оюутан тэтгэлэгт хөтөлбөрт хамруулсан бөгөөд эл хөтөлбөрийг үргэлжлүүлэхээ нотлов.
