Ulaanbaatar
БНХАУ дэлхийн хамгийн том галт онгоц бүтээнэ
ДЭЛХИЙН МЭДЭЭ | НИЙГЭМ
БЭЭЖИН. /TASS/. БНХАУ-ын Шанхай хотын хөлөг онгоцны үйлдвэрийн “Hudong-Zhonghua” компани шингэрүүлсэн хий тээвэрлэх дэлхийн хамгийн том галт онгоц бүтээхээр болжээ. "Жунго синьвэньван" цахим хуудсанд мэдээлснээр, уг хөлөг онгоц 270 мянга хүртэл шоо метр хий тээвэрлэх чадалтай байх аж.
Галт онгоцны зураг төслийг Норвеги улсын дэмжлэгтэйгээр гаргах юм. Хэлэлцэн тохиролцсоны дагуу хоёр орны зохион бүтээгчид 2020 он гэхэд техникийн шаардлагатай бүх баримт бичгийг боловсруулж дуусна.
“Байгалийн хий нь БНХАУ-ын эрчим хүчний үйлдвэрлэл, хэрэглээний бүтцэд чухал үүрэг гүйцэтгэх бөгөөд шингэрүүлсэн хий ч мөн адил эрчим хүчний өсөн нэмэгдэж буй эрэлт хэрэгцээг хангах чухал эх үүсвэр болно” гэж тус улсын нефть, хийн “CNOOC” корпорацын тэргүүн Ян Хуа мэдэгджээ.
БНХАУ-д "цэнхэр түлшний" эрэлт хэрэгцээ өссөөр байгаа юм. Тус улс өнгөрсөн онд 53 сая тонн шингэрүүлсэн хий импортолсон байна.
