Ulaanbaatar
Дональд Трамп болон Саудын Арабын угсаа залгамжлах хунтайж нар хоёр талт уулзалт хийхгүй
ДЭЛХИЙН МЭДЭЭ | УЛС ТӨР
ВАШИНГТОН. /Xinhua/. Удахгүй
Аргентинд зохион байгуулах “Их 20”-ийн орнуудын удирдагчдын дээд хэмжээний уулзалтын
үеэр АНУ-ын Ерөнхийлөгч Дональд Трамп болон Саудын Арабын угсаа
залгамжлах хунтайж Мохаммед бин Сальман нар хоёр талт уулзалт хийхгүй гэж АНУ-ын
Үндэсний аюулгүй байдлын зөвлөх Жон Болтон мягмар гарагт мэдээлэв.
Цагаан ордонд болсон хэвлэлийн бага хурлын үеэр Ж.Болтоны мэдэгдсэнээр, АНУ-ын Ерөнхийлөгчийн хоёр талт уулзалт хийх тоо гүйцсэн аж. Гэсэн хэдий ч Д.Трамп болон М.Сальман албан бусаар уулзахыг тэрбээр үгүйсгээгүй байна.
Д.Трамп Аргентинд айлчлах үеэрээ Аргентин, БНСУ, Турк, ОХУ-ын төрийн
тэргүүн нар болон Японы Ерөнхий сайд нартай хоёр талын уулзалт хийхээр төлөвлөж
байгаа ажээ.
“АНУ-ын төрийн
тэргүүний Шинзо Абэтэй хийх уулзалтын үеэр Энэтхэгийн Ерөнхий сайд Нарендра
Модитой гурван талт уулзалт хийж магадгүй” гэж Үндэсний аюулгүй байдлын
зөвлөх нэмж хэлсэн байна.
