ХӨВСГӨЛ: Рэнчинлхүмбэд -46,1 градус хүйтэн хонолоо
ОРОН НУТГИЙН МЭДЭЭ | ХӨВСГӨЛМөрөн, 2024 оны хоёрдугаар сарын 19 /МОНЦАМЭ/. Хөвсгөл аймгийн Рэнчинлхүмбэ суманд өнгөрсөн шөнө -46,1 градус хүйтэн хонолоо.
Цаг уурын ажиглалтын талбайд нийт нутгаар 1-22 см цасан бүрхүүлтэй байна.
Хамгийн их нь Цагаан-Үүр, Галтад 22 см, Улаан-Уулд 21 см цастай байна.
Ойрын өдрүүдэд Дархадын хотгор том голуудын хөндийгөөр 35-40 градус, өдөртөө 25-30 градус
хүйтэн байх бөгөөд энэ сарын 22-ноос хүйтний эрч бага зэрэг сулрах ажээ.