Ulaanbaatar
Сүхбаатар: Идэвхтэй үйл ажиллагаа явуулдаг 57 хоршоо байна
ОРОН НУТГИЙН МЭДЭЭ | СҮХБААТАР
Баруун-Урт 2024 оны дөрөвдүгээр сарын 12 /МОНЦАМЭ/. Сүхбаатар аймагт албан ёсоор бүртгэлтэй 97 хоршоо бий. Үүнээс 57 нь тогтмол, идэвхтэй үйл ажиллагаа эрхэлдэг бөгөөд 33 нь газар тариалан, хөдөө аж ахуйн салбарынх байна.
Сумдад үйл
ажиллагаа эрхэлж байгаа хоршоодоор дамжуулан ажлын байр бий болгох, иргэдийн орлогыг нэмэгдүүлэх, амьжиргааг сайжруулах, орон нутгийн тогтвортой хөгжлийг
хангах зорилгоор хоршоо
хөгжүүлэх сангийн хөнгөлөлттэй зээлийг жил бүр олгодог. Энэ бол хуучнаар ОНХС-гийн зээл бөгөөд тус зээлийн чанар хүртээмжийг нэмэгдүүлэхийн тулд хувь хүнд бус хоршоодод олгодог болсон.
2024 онд Баруун-Урт сумын хэмжээнд тус сангаас 400 сая төгрөгийн, бусад суманд 200-300
сая төгрөгийн зээлийг олгоно. Гэтэл аймгийн хэжмээнд иргэд нэгдэж, хамтрах өөрөөр хэлбэл хоршоо байгуулж ажиллах нь бусад аймагтай харьцуулахад
маш бага байгааг Хоршоологчдын холбооны тэргүүн Л.Халтар хэллээ. Орон нутгийн үйлдвэрлэл үйлчилгээ эрхлэгчид болон малчид хоршиж, хамтрах нь хамгийн
чухал буюу ямар нэг хөнгөлөлттэй зээл тусламжид хамрагдах, түүнийхээ үр ашгийг хамтдаа хүртэх өргөн боломж бий гэдгийг сануулж байв.
