Ulaanbaatar
Вена хотын “Дэлхийн музей”-д монгол киноны өдөрлөг зохион байгуулав
МОНГОЛЫН МЭДЭЭ | ГХЯ-НЫ МЭДЭЭ
Улаанбаатар /МОНЦАМЭ/. Монгол Улс, Бүгд Найрамдах Австри Улс хооронд дипломат харилцаа тогтоосны 55 жилийн ой, Үндэсний их баяр наадмыг тохиолдуулан Монгол Улсаас Австри Улсад суугаа Элчин сайдын яам Монгол киноны өдөрлөгийг 2018 оны 7 дугаар сарын 4-ний өдөр Вена хотын “Дэлхийн музей”-д зохион байгуулав.
Кино өдөрлөгөөр “Шарга даага” (найруулагч Ч.Хоролдорж), “Хөх толбот хүмүүс” (найруулагч Ш.Доржсүрэн), “Гайхамшигт нислэг” (найруулагч Л.Бат-Амгалан, Ian Allardyce), “Уран хас” ( найруулагч У.Ихбаяр), “Алсын удирдлага” (найруулагч С.Бямба), “Далавч” (найруулагч Б.Ундрам) зэрэг бүрэн болон богино хэмжээний Монгол кинонуудыг олон нийтэд толилуулжээ.
Монгол өв соёлыг таниулан сурталчлах зорилгоор зохион байгуулсан нээлттэй өдөрлөгт Австрийн иргэд, Вена дахь гадаад улсын дипломат төлөөлөгчийн газруудын төлөөлөл, Австрид зочилж буй жуулчид болон Австри Улсад ажиллаж, амьдарч буй монголчууд өргөнөөр оролцож, монгол кино үзэж сонирхлоо.
Кино өдөрлөгийг зохион байгуулахад туслалцаа үзүүлсэн Монголын Урлагийн Зөвлөл болон Дэлхийн музейн хамт олонд ЭСЯ-ны зүгээс талархал илэрхийлж байна.
Кино өдөрлөгөөр “Шарга даага” (найруулагч Ч.Хоролдорж), “Хөх толбот хүмүүс” (найруулагч Ш.Доржсүрэн), “Гайхамшигт нислэг” (найруулагч Л.Бат-Амгалан, Ian Allardyce), “Уран хас” ( найруулагч У.Ихбаяр), “Алсын удирдлага” (найруулагч С.Бямба), “Далавч” (найруулагч Б.Ундрам) зэрэг бүрэн болон богино хэмжээний Монгол кинонуудыг олон нийтэд толилуулжээ.
Монгол өв соёлыг таниулан сурталчлах зорилгоор зохион байгуулсан нээлттэй өдөрлөгт Австрийн иргэд, Вена дахь гадаад улсын дипломат төлөөлөгчийн газруудын төлөөлөл, Австрид зочилж буй жуулчид болон Австри Улсад ажиллаж, амьдарч буй монголчууд өргөнөөр оролцож, монгол кино үзэж сонирхлоо.
Кино өдөрлөгийг зохион байгуулахад туслалцаа үзүүлсэн Монголын Урлагийн Зөвлөл болон Дэлхийн музейн хамт олонд ЭСЯ-ны зүгээс талархал илэрхийлж байна.
