Ulaanbaatar
100 гаруй наймаачнаа төлөөлж нүцгэлсэн байна
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/ "Хархорин" худалдааны төвийн гадна талбайд хувийн наймаа эрхэлдэг иргэн С.Мэшэгээ өнөөдөр "Хангарьд" ордны үүдэнд нүцгэлж эсэргүүцлээ илэрхийллээ. НИТХ-ын тэргүүлэгчидтэй уулзах гэхэд түүнийг оруулаагүйн улмаас ийнхүү нүцгэлжээ.
С.Мэшэгээ “Бид 8 дугаар сарын 16-ны өдөр гудамжинд худалдаа эрхлээд зогсож байсан. Гудамжинд худалдаа эрхлэгчид зохион байгуулалтад орж улсад татвар төлөөд албан ёсны зөвшөөрөлтэй зогсох гэж сүүлийн хоёр хөөцөлдөж байгаа. "Хархорин" худалдааны төвийн түрээслэгчид ч биднийг маш их дарамталсан.
Тэр өдрөө дүүргийн Засаг дарга С.Одонтуяатай уулзахад “Та нарыг зохион байгуулалтад оруулах боломж байгаа. Гэхдээ Нийслэл дэмжихгүй байна” гэсэн. Үүний дараа 9 дүгээр сарын 6-ны өдөр хотын захирагч С.Батболд Баянгол дүүргийн Засаг даргад “Ажлын байраар ханга” хэмээн үүрэг өгсөн байдаг. Гэтэл С.Одонтуяа “Журманд өөрчлөлт оруулж байж зөвшөөрнө” гэсэн. Иймээс бид 9 дүгээр сарын 19-ний өдөр суулт, 25-ны өдөр өлсгөлөн зарласан. НИТХ-ын даргаа хурдан томилоод бидний асуудлыг анхааралдаа аваач ээ” гэв. Тэр "Хархорин" худалдааны төвийн гадна худалдаа эрхэлж байсан 100 гаруй наймаачныг төлөөлж байгаа аж.
Ж.Батсайхан
