Ulaanbaatar
ХОВД: Ирэх оны газар зохион байгуулалтын төлөвлөгөөг баталлаа
ОРОН НУТГИЙН МЭДЭЭ | ХОВД
Жаргалант, 2025 оны арванхоёрдугаар сарын 4 /МОНЦАМЭ/. Ховд аймгийн 2025 оны газар зохион байгуулалтын төлөвлөгөөний биелэлт, 2026 оны төлөвлөгөөний тухай ГХБХБГ-аас танилцууллаа.
Энэ онд Ховд аймгийн хэмжээнд 508 байршилд 58824.86 га газрыг зориулалтын дагуу олгохоор газар зохион байгуулалтын төлөвлөгөөнд тусгаснаас 50 гаруй хувь нь хэрэгжжээ.
Тодруулбал,
- Төсөвт байгууллагын зайлшгүй хэрэгцээнд 34 байршилд 3000.3 га
- Гэр бүлийн хэрэгцээний зориулалтаар 34 иргэнд 1.93 га
- Мод үржүүлгийн зориулалтаар хоёр байршилд 4.0 га
- Өвөлжөө, хаваржааны зориулалтаар 123 иргэнд 23.34 га
- Иргэн, аж ахуй нэгж, байгууллагад дуудлага худалдааны зориулалтаар 11 байршилд 2.1 га
- Эзэмшиж байгаа газраа өмчлөх, шинээр газар өмчлөх хүсэлтэй 31 иргэнд 2.37 га газрыг тус тус олгосон байна.
Тэгвэл ирэх онд
- Иргэн аж ахуйн нэгж, байгууллагад дуудлага худалдаагаар 47.92 га
- Төсөвт байгууллагын хэрэгцээнд 71.04 га
- Гэр бүлийн хэрэгцээний зориулалтаар 35.41 га
- Үйлдвэр технологийн паркийн зориулалтаар 10 га
- Дүйцүүлэн олгох зориулалтаар 0.1 га газрыг тус тус олгохоор төлөвлөлөө.
Ховд аймгийн ИТХ-ын наймдугаар хуралдаан энэ сарын 3-нд болж, газар зохион байгуулалтын 2025 оны төлөвлөгөөний хэрэгжилтийг хангалттай гэж дүгнээд, 2026 оны төлөвлөгөөг төлөөлөгчдийн саналаар баталлаа.
