Ulaanbaatar
Монгол Улс COP17-д гурван санаачилга дэвшүүлэхээр бэлтгэж буйгаа зарлалаа
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2025 оны арваннэгдүгээр сарын 18 /МОНЦАМЭ/. Уур амьсгалын өөрчлөлтийн тухай НҮБ-ын суурь конвенцын Талуудын 30 дугаар бага хурлын /COP30/ хүрээнд “Хэлэлцүүлгээс үйл ажиллагаанд: COP30-ыг эргэлтийн цэг болгох нь” сэдэвт өндөр түвшний хэлэлцүүлгийг Германы павильонд өчигдөр зохион байгуулжээ.
Хэлэлцүүлэгт
Монгол Улсаас Байгаль орчин, уур амьсгалын өөрчлөлтийн сайд Б.Батбаатар
оролцож, Монгол Улсын уур амьсгал, биологийн олон янз байдал, газрын доройтол
зэрэг хүрээлэн буй орчны уялдаа сорилтыг салангид бус, нэгдсэн бодлого,
уялдаатай үйл ажиллагаагаар шийдвэрлэх чиглэлээ танилцуулав. Мөн энэ үеэр
Монгол Улс COP17-ын үеэр гурван том санаачилга дэвшүүлнэ гэдгээ зарласан талаар
Б.Батбаатар сайд 2026 онд Улаанбаатар хотноо зохион байгуулах НҮБ-ын Цөлжилттэй тэмцэх конвенцын талуудын 17 дугаар бага хурлын үеэр /COP17/ бэлчээрийн тэргүүлэх санаачилга, ус-газрын нэгдсэн менежмент, байгальд суурилсан шийдэл бүхий дэд бүтэц гурван санаачилгыг дэвшүүлэхээ мэдэгдэв.
Эдгээр
санаачилга нь газар-уур амьсгал-биологийн олон янз байдлын уялдааг бэхжүүлж,
нэгдсэн ландшафтын нөхөн сэргээлтийн шийдлийг дэлхийн хэмжээнд өргөжүүлэх
зорилготой гэдгийг Б.Батбаатар сайд онцоллоо.
Связанные новости
