Ulaanbaatar
"Атлетик"-ийн хөлбөмбөгчид Испанийн цомыг өргөлөө
ДЭЛХИЙН МЭДЭЭ | СПОРТ
МОСКВА, 2024 оны дөрөвдүгээр
сарын 7 /РИА Новости/. Бильбао хотын “Атлетик” баг “Мальорка”-г финалын
тоглолтод хожсоноор сүүлийн 40 жилийн хугацаанд анх удаагаа Испанийн хөл
бөмбөгийн цомыг хүртлээ.
Севилья хотод болсон тоглолтын
үндсэн ба нэмэлт цаг 1:1 харьцаагаар дууссан байна. “Атлетик”-ийн Ойан Сансет
50 дахь минутанд, “Мальорка” багийн Даниель Родригес 21 дэх минутанд гоол оруулжээ.
Ингээд торгуулийн цохилтоор ялагчийг тодруулахад Баскийн клубын хөлбөмбөгчид
4:2 харьцаагаар хожсон байна.
“Атлетик” клуб түүхэндээ 24 удаа
Испанийн цомыг хүртэж байсан бөгөөд хамгийн сүүлд 1983/84 оны улиралд аваргалж
байсан юм. Үүнээс хойш зургаан удаа финалд шалгарсан боловч цомыг хүртэж
чадаагүй байна.
Харин “Мальорка” клуб түүхэндээ 4
удаа Испанийн цомын эзэн болж байсан бөгөөд энэ удаад 2003 оноос хойш анх удаа финалд шалгарлаа. Тухайн үед тус клуб "Рекреативо"-г
3:0 харьцаагаар ялж, аваргын цомыг өргөж байв.
“Атлетик”-чууд Испанийн цомыг хүртсэн тоогоор “Барселона”-гийн
/31 удаа/ дараа хоёрдугаарт ордог бөгөөд Мадридын “Реал” клуб /20 удаа/
гуравдугаарт бичигдэж байна.
