Ulaanbaatar
“МЦХ”, “Бодь даатгал” ногдол ашиг хуваарилахаа мэдэгдлээ
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Монголын Хөрөнгийн биржид
бүртгэлтэй "Монголын цахилгаан холбоо”, “Бодь даатгал” ХК-иуд хуулийн хугацааны дагуу хувьцаа
эзэмшигч нарт ногдол ашиг тараахаа мэдэгдлээ.
“МЦХ” ХК өнгөрсөн оны цэвэр
ашгаас нэгж хувьцаанд 1 төгрөгийг хувьцаа эзэмшигчиддээ ногдол ашиг
болгон тараахаар шийдвэрлэсэн байна. Харин “Бодь даатгал” ХК 2021 оны цэвэр ашгаас нэгж хувьцаанд 5
төгрөгийн ногдол ашиг хуваарилахаар болжээ. Тус компани 2020 оны 6 дугаа сард IPO гаргаснаас хойш жил бүр ногдол
ашиг тарааж байгаа бөгөөд энэ жил 1.2 тэрбум төгрөгийг ногдол ашиг хэлбэрээр
хуваарилахаар боллоо.
“Бодь даатгал” ХК-ийн дотоодын даатгалын цэвэр хураамж өмнөх оноос 30 хувийн өсөлт үзүүлж 19.1 тэрбум, цэвэр ашиг 21 хувиар өсөж 2.3 тэрбум төгрөгт хүрчээ.
