Ulaanbaatar
"Сонсголон бармат", "Түшиг Уул”, "Мандал говь импэкс"-ийн ханш хамгийн их өсөв
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Монголын Хөрөнгийн биржид
энгийн арилжаагаар 49 ХК-ийн 1 сая ширхэг хувьцааг 385,835,922.48 төгрөгийн
үнийн дүнгээр арилжив. Үүнээс
27 ХК-ийн
хувьцааны ханш дээшилж,
16 ХК-ийн
хувьцааны ханш буурсан бол 6 компанийн хувьцаа ханш тогтвортой
байлаа. Энэ өдөр
"Сонсголон бармат" (SSG+14.84%), "Түшиг Уул" (TUS+14.58%) болон
"Мандал говь импэкс" ХК (MNG+14.44%) зэрэг ХК-ийн хувьцааны ханш хамгийн их өндөр өсөв. Харин "Говь" (GOV-10.75%),
"Материалимпекс" (MIE- 10.21%) болон "Ард санхүүгийн
нэгдэл" ХК (AARD-7.41%)-ийн
хувьцаа хамгийн их уналттай байлаа.
Хөрөнгө оруулалтын 2 сангийн 30,921 ширхэг
нэгж эрхийг 15.3 сая төгрөгөөр арилжсан байна. Багцын арилжаанд нийт 10,000 ширхэг
үнэт цаас 1,000,000 доллараар арилжигдсан байна. ТOП-20 индекс 1.15 хувиар буурч 43901.1 нэгжид
хүрсэн бол зах зээлийн үнэлгээ 6,023,107,793,687.77 төгрөг боллоо. Арилжааны
дэлгэрэнгүй мэдээллийг Энд дарж үзнэ
үү.
