Ulaanbaatar
БНСУ-ын Гадаад хэргийн сайд Дэлхийн Экспог зохион байгуулахад АНЭУ-аас дэмжлэг үзүүлэхийг хүсжээ
ДЭЛХИЙН МЭДЭЭ | УЛС ТӨР
СӨҮЛ. /Yonhap/. БНСУ-ын Гадаад хэргийн сайд Чун Ый Ён 2030 онд тус улсын Бусан хотод болох дэлхийн үзэсгэлэнг зохион байгуулахад дэмжлэг үзүүлэхийг Арабын Нэгдсэн Эмират Улс /АНЭУ/-аас хүслээ гэж БНСУ-ын Гадаад хэргийн яамнаас мэдээлжээ.
Төрийн сайд хатагтай Рийм Аль-Хашимитай бямба гарагт хийсэн олон улсын хамтын ажиллагааг бэхжүүлэх уулзалтын үеэр Чун Ый Ён “БНСУ “Экспо Дубай 2020” дэлхийн үзэсгэлэнг зохион байгуулж буй АНЭУ-ын амжилтыг өндрөөр үнэлж байна” хэмээн онцлон дурджээ.
“Арабын Нэгдсэн Эмират Улс /АНЭУ/ БНСУ-тай харилцаа, хамтын ажиллагааг бэхжүүлж, арга хэмжээг зохион байгуулах туршлагаасаа хуваалцах болно” гэж Рийм Аль-Хашими хэлээд, БНСУ-ын Засгийн газар “Экспо Дубай 2020” үзэсгэлэнд өндөр ач холбогдол өгч, оролцож байгаад талархаж буйгаа илэрхийлжээ.
Үүний зэрэгцээ БНСУ-ын Гадаад хэргийн сайд
Чун Ый Ён АНЭУ-ын Гадаад хэргийн сайд Шейх Абдулла бин Заид аль-Нахайянтай
ням гарагт хэлэлцээ хийхээр төлөвлөж байна гэж БНСУ-ын Гадаад хэргийн яамнаас
мэдээлжээ.
