Ulaanbaatar
Хилийн чанадад байгаа иргэдэд туслах сангийн зөвлөлийн ээлжит хурал болов
МОНГОЛЫН МЭДЭЭ | ГХЯ-НЫ МЭДЭЭ
Улаанбаатар /МОНЦАМЭ/. Хилийн чанадад байгаа Монгол Улсын иргэдэд туслах сангийн зөвлөлийн ээлжит хурлыг энэ сарын 8-нд Гадаад харилцааны сайд бөгөөд Иргэдэд туслах сангийн зөвлөлийн дарга Б.Батцэцэг удирдан явууллаа.
Энэ удаагийн хурлаар цар тахлын улмаас хилийн чанадад санхүүгийн хүндрэлд орсон иргэдийг нутаг буцаах, тэдгээрийн тусгаарлах байрны зардлыг гаргах, Куба улсад хүнсний хомсдолд орсон, хүндрэлтэй нөхцөлд байгаа 19 оюутанд хүнс, ойрын хэрэглээний эд зүйлс олгох, мөн яаралтай эмчилгээ хийлгэж буй иргэдийн эмчилгээний зардалд дэмжлэг үзүүлэх зорилгоор нийт 65 иргэний өргөдөл, хүсэлтийг хэлэлцэж 75,1 сая төгрөгийг зарцуулах шийдвэр гаргав.
Иргэдэд туслах санг Засгийн газрын тусгай сангийн хуулийн дагуу 2008 онд анх байгуулжээ.
