Ulaanbaatar
БНАСАУ-ын төлөөлөгчид Шведэд очжээ
ДЭЛХИЙН МЭДЭЭ | УЛС ТӨР
СТОКХОЛМ. /Kyodo/. БНАСАУ-ын цөмийн асуудал хариуцсан төлөөлөгч Ким Мён Гил тэргүүтэй төлөөлөгчид пүрэв гарагт Швед улсад хүрэлцэн очжээ.
Дипломат эх
сурвалжуудын мэдээлснээр, Пёньяныг цөмийн зэвсгээс ангижруулах асуудлаарх
АНУ-БНАСАУ-ын ажлын түвшний хэлэлцээний бэлтгэл ажил Шведэд үргэлжилж байгаа
ажээ.
Өнгөрсөн хоёрдугаар
сард АНУ, БНАСАУ-ын удирдагчдын дээд хэмжээний уулзалт хэлэлцээргүй
өндөрлөснөөс хойш хэдэн сарын турш зогсонги байдалд орсон хэлэлцээ амжилттай үргэлжлэх
эсэхэд олон нийт ихээхэн анхаарал хандуулж байна.
АНУ-ын
Ерөнхийлөгч Дональд Трамп мэдэгдэхдээ, тэд хэлэлцээ хийхийг хүссэн, бид
тэдэнтэй удахгүй хэлэлцэнэ гэжээ. Шведэд болох
хэлэлцээнд АНУ-ыг төлөөлөн БНАСАУ-ын асуудал хариуцсан тусгай төлөөлөгч Стивен
Бигун тэргүүтэй төлөөлөгчид оролцох төлөвтэй байна.
БНАСАУ-ын Гадаад хэргийн яамны мягмар гарагийн мэдэгдэлд баасан гарагт урьдчилан холбоо тогтоосны дараа хэлэлцээ
хийнэ хэмээн тэмдэглэсэн боловч хэлэлцээ хаана болох талаар
дурдаагүй байсан юм.
