Ulaanbaatar
УИХ-ын гишүүн С.Эрдэнийг шалгуулахаар АТГ-т хандлаа
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/. Ерөнхий сайд асан Н.Алтанхуяг “Капитал” банкны дампуурсан хэргийг шуурхай судлан, тус банканд хадгаламж эзэмшиж байсан иргэдийг хохиролгүй болгох гомдлоо өнөөдөр АТГ-т хүргүүллээ.
Тэрбээр, “Капитал банк дампуурсны улмаас тус банканд мөнгөө хадгалж байсан иргэдийн
240 тэрбум төгрөг эрсдэлд ороод байна. Тиймээс энэ асуудлыг хуулийн дагуу нэн
даруй шийдвэрлэж, иргэдийг хохиролгүй болгох ёстой юм. УИХ-ын гишүүн С.Эрдэнэ 2012-2016
онд Хүн амын хөгжил, нийгмийн хамгааллын сайдаар ажиллаж байхдаа Нийгмийн
даатгалын үндэсний зөвлөл (НДҮЗ)-ийг даргалж байсан. Тухайн үед НДҮЗ-өөс иргэний
нийгмийн даатгал, эрүүл мэндийн даатгалын мөнгийг арилжааны банкуудад
байршуулах шийдвэр гаргасан юм. Тиймээс иргэдийн даатгалын мөнгийг эрсдэлд
оруулсны төлөө УИХ-ын гишүүн С.Эрдэнийг шалгах ёстой гэдгийг гомдолдоо тусгасан” гэлээ.
