Бангкокт агаарын бохирдлын улмаас сургуулиудыг түр хаажээ

yesukheitumur@montsame.gov.mn

2019-01-31 11:10:14

Yesukheitumur Tumurbaatar

БАНГКОК. /NHK/. Агаарын бохирдлын улмаас Таиландын нийслэл Бангкок хотын 437 сургууль, цэцэрлэгийг лхагва гарагаас баасан гараг хүртэл түр хаахад хүрлээ гэж тус улсын Засгийн газар мэдэгдэв.

Тус хотод “PM 2.5” буюу нарийн ширхэгт тоосонцрын хэмжээ сүүлийн долоо хоногт аюултай, өндөр түвшинд хүрсэн учраас ийм шийдвэр гаргажээ.

Агаарын бохирдлын хяналтын газрын мэдээлснээр, Бангкок хотын агаар дахь нарийн ширхэгт тоосонцрын хэмжээ Дэлхийн эрүүл мэндийн байгууллагаас /ДЭМБ/ тогтоосон аюулгүйн түвшинээс давсан байна.

Хуурайшилт болон үйлдвэр, автомашинуудаас ялгарах утаа агаарын бохирдлын хэмжээг улам бүр нэмэгдүүлж байгаа тухай мэдээлэлд дурджээ.

Хотын эрх баригчид агаарын бохирдлыг бууруулахын тулд үүлэнд зориудаар нөлөөлж, бороо оруулах, газрыг чийгшүүлэх арга хэмжээ авч байна. Гэсэн хэдий ч энэ арга хэмжээнүүд үр дүн багатай, нөхцөл байдал ирэх сарын эхэн үе хүртэл өөрчлөгдөх төлөвгүй байна гэж хотын захирагч мэдэгжээ.

Бангкокт агаарын бохирдлын улмаас сургуулиудыг түр хаажээ

Связанные новости

Японы далайн гаралтай бүтээгдэхүүний нийлүүлэлтийг сэргээхээр тохиролцжээ

Австралийн чулуун дээрх зургууд аюулд оржээ

НҮБ: Дулаарлыг тогтоон барьж чадахгүй байх магадлалтай

Аварга загаснуудыг хамгаалахыг уриалан 12 хоног сэлжээ

Алиалагч загаснуудын бие жижгэрч байна

Австралийн зүүн нутагт үерийн гамшиг нүүрлэжээ

Токиод хэт халуунтай тэмцэхийн тулд усны төлбөрөөс чөлөөлнө

Аргентинд үерийн улмаас 7500 гаруй хүнийг нүүлгэн шилжүүлжээ

Бангкокт өндөр барилга нурсантай холбогдуулан 17 хүнийг баривчилна

Подписывайтесь на нас

счет доступа