Ulaanbaatar
Хүйтрэхийн хэрээр гал түймэр ихсэх хандлагатай байгааг анхааруулав
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/. Ойрын өдрүүдэд хүйтний эрч чангарч, энэ хэрээр гал түймрийн эсрдэл ихэсдэгийг ОБЕГ анхааруулж байна. Он гарсаар улсын хэмжээнд нийт 3080 удаагийн объектын гал түймрийн дуудлагаар тус газрын алба хаагчид ажиллан, 714 хүний амь насыг авран хамгаалжээ. Гал түймрийн улмаас 37 хүн түлэгдэж, гэмтсэн бол 68 хүн амь насаа алдсан байна. Үүний 49 нь том хүн, 19 нь хүүхэд байв.
Иймд иргэн та өөрийн болон бусдын амь нас, эрүүл мэнд, эд хөрөнгөд учирч болзошгүй эрсдлээс урьдчилан сэргийлж, халуун үнс нурмыг ил задгай асгахгүй байх, зориулалтын таглаатай саванд хийж занших, гэр орондоо зул, хүж, лаа, дэн асаахдаа галын аюулгүй байдлыг хангаж, хяналтгүй орхихгүй байх, шингэрүүлсэн шатдаг хийгээр ажилладаг тулга, зуухыг ашиглахдаа аюулгүй ажиллагааны дүрэм журмыг баримтлах, эвдрэл гэмтэлтэй зориулалтын бус цахилгаан хэрэгслийг ашиглахгүй байх, гарааш ил зогсоолд автомашинаа байрлуулахдаа галын аюулгүйн зай хэмжээг баримтлах, бага насны хүүхдийг харгалзах хүнгүйгээр гэрт нь цоожилж орхихгүй байх,
Түүнчлэн гэр хорооллын айл өрхүүдийн хэрэглэсэн цахилгааны шөнийн тарифыг хөнгөлсөнтэй холбогдуулан иргэд, аж ахуйн нэгж байгууллагууд төрөл бүрийн цахилгаан халаагуур, халаагчийг хэрэглэх нь эрс нэмэгддэг. Иймд цахилгаан халаагуур, халаагчийг гэр, байшин, аж ахуйн нэгж байгууллагадаа суурилуулахаар сонгосон бол цахилгаан ашиглалтын дүрэм журмыг мөрдөх, аюулгүй ажиллагааны заавар, зааварчилгаа авах, мэргэжлийн цахилгаанчаар холбуулж, холбогдох байгууллагуудаас өгч буй заавар, зөвлөмжийг дагаж мөрдөхийг зөвлөж байна.
