Хамгаалагчийн амь насыг хохироосон хэргийг шалгаж байна
МОНГОЛЫН МЭДЭЭ | ХУУЛЬУлаанбаатар /МОНЦАМЭ/. Энэ сарын 27-ны өдөр өдрийн 12 цагт Баянзүрх дүүргийн наймдугаар хорооны нутаг дэвсгэрт байрлах “Тэнгэр плаза” худалдааны төвийн харуулын ажилтан 30 настай эрэгтэй А-гийн амь насыг хохироосон ноцтой хэрэг гарсан байна.
Хохирогчийг ажлын байран дээрээ байх үед нь согтууруулах ундааны зүйл хэтрүүлэн хэрэглэсэн эрэгтэй 32 настай Б нь эхнэртэйгээ хардаж, улмаар дөрвөн удаа хутгалан амь насыг нь хохироожээ. Тухайн өдөр хамгаалагч залуутай маргалдаж, амь насыг нь хохироосон этгээдийг баривчлан мөрдөн шалгаж байна.