Ulaanbaatar
Шойгу Монголын Ерөнхий сайдад бараалхахдаа шүлгийн мөрийг эшлэл болгожээ
ДЭЛХИЙН МЭДЭЭ | УЛС ТӨР
УЛААНБААТАР. /РИА Новости/. ОХУ-ын Батлан хамгаалахын
сайд Сергей Шойгу Монгол Улсын Ерөнхий сайд Ухнаагийн Хүрэлсүхэд бараалхаж,
Оросын Зэвсэгт хүчний Сири улсад олж авсан туршлага цаашид хэрэг болохгүй
боловч бүх зүйлд бэлэн байх хэрэгтэй гэдгийг тайлбарлахдаа шүлгийн
мөрөөс иш татжээ.
“Тэнд бидний олж авсан
туршлагыг хөршүүд, найз нөхөдтэйгээ хуваалцахыг хүсч байна. Энэ туршлага хэзээ
ч дахин хэрэг болохгүй гэдэгт итгэж найдахыг хүсч байгаа боловч “Итгэл найдвар идэр
хөвгүүдийг л тэтгэдэг” гэж манай алдартай яруу найрагч хэлсэн байдаг. Бид энэ
насыг хэдийнээ туулаад өнгөрүүлсэн учир ийм үйл явдалд бэлэн байх нь илүү дээр”
гэж Шойгу У.Хүрэлсүхтэй ярилцахдаа хэлсэн байна.
Түүний хэлснээр, тэрбээр
өмнө нь Сири дэх нөхцөл байдал болон ОХУ-ын Зэвсэгт хүчний хөгжлийн талаар Монголын
цэргийн удирдлагуудад ярьжээ.
Сергей Шойгуг Монгол Улсад албан ёсоор айлчлах үеэр тус улсын төрийн өндөр дээд одон болох Цэргийн гавьяаны Улаан Тугийн одонгоор шагнасан байна. Түүнд уг шагналыг Монголын Улсын Их Хурлын дарга М. Энхболд гардуулан өгчээ.
