Ulaanbaatar
“Paramount” компани “Warner Brothers Discovery”-д илүү ашигтай санал тавина
ДЭЛХИЙН МЭДЭЭ | ЭДИЙН ЗАСАГ
ВАШИНГТОН, 2025 оны арванхоёрдугаар сарын 9 /DW/. Америкийн “Paramount” компани “Warner Brothers Discovery”-г худалдан авахын тулд “Netflix”-тэй өрсөлдөхүйц санал тавихаар төлөвлөж байгаагаа даваа гарагт мэдэгджээ.
“Netflix” компани “Warner Bros.”-той 72 тэрбум ам.долларын /62
тэрбум евро/ гэрээ байгуулахаар
тохиролцсон талаараа өнгөрсөн баасан гарагт
мэдэгдсэн боловч “Paramount”-ын зүгээс хувьцаа эзэмшигчдэд 108.4 тэрбум ам.долларыг
санал болгоно гэдгээ мэдэгдсэн байна.
“Paramount” компанийн мэдэгдсэнээр, “Warner Brothers
Discovery”-г худалдан авах санал нь “Netflix”-ийнхээс илүү сайн нөхцөлтэй
бөгөөд хувьцаа эзэмшигчдэд 18 тэрбум ам.долларын бэлэн мөнгө, мөн зохицуулах
байгууллагын зөвшөөрөл олгох явцыг илүү хялбаршуулах саналыг тавьж байгаа
ажээ.
Мөн “Netflix”-ээс ялгаатай нь “Paramount” нь “Warner Bros.”-ийн кабелийн сувгуудыг худалдаж авах санал тавьж
байгаа бөгөөд “Netflix”-ийн саналыг “хуурамч хэтийн төлвийн
үнэлгээн” дээр үндэслэсэн хэмээн мэдэгдээд, татгалзсан хариу өгөхийг хувьцаа
эзэмшигчдээс хүссэн байна.
“Paramount” нь 12 долоо хоногийн хугацаанд “Warner Brothers
Discovery”-д зургаан санал хүргүүлжээ. “Бидний санал Холливүүдийг илүү хүчирхэг
болгоно гэдэгт итгэлтэй байна. Энэ нь уран бүтээлчид, үзэгчид болон кинотеатруудын ашиг сонирхолд нийцнэ” гэж “Paramount”-ын гүйцэтгэх захирал Дэвид Эллисон мэдэгдсэн байна.
