Ulaanbaatar
УИХ-ын Ерөнхий нарийн бичгийн даргыг томилж, чөлөөлөв
МОНГОЛЫН МЭДЭЭ | УЛС ТӨР
Улаанбаатар, 2025 оны арваннэгдүгээр сарын 29 /МОНЦАМЭ/. УИХ-ын чуулганы өчигдрийн хуралдаанаар УИХ-ын Ерөнхий нарийн бичгийн даргыг томилж, чөлөөлөв.
Чуулганы үдээс өмнөх хуралдаанаар нэр дэвшигчийн
танилцуулга, Төрийн байгуулалтын байнгын хорооны санал, дүгнэлттэй танилцаж,
гишүүд асуулт асууж, үг хэлсэн. Иймд УИХ-ын Ерөнхий нарийн бичгийн даргын
үүрэгт ажлаас Б.Баасандоржийг чөлөөлөхийг хуралдаанд оролцсон гишүүдийн 61.3
хувь нь дэмжсэнийг УИХ-ын Хэвлэл мэдээллийн газраас мэдээллээ.
Дараа нь УИХ-ын Ерөнхий нарийн бичгийн даргаар Л.Өлзийсайханыг
томилох саналыг дэмжье гэдэг томьёоллоор нууц санал хураахад, гишүүдийн 61.3
хувь нь дэмжлээ. Ийнхүү “УИХ-ын Ерөнхий нарийн бичгийн даргыг томилох
тухай” тогтоолыг баталсан юм. УИХ-ын дарга Н.Учрал дээрх тогтоолыг эцсийн
найруулгыг нэгдсэн хуралдаанд уншиж танилцуулжээ.
