Ulaanbaatar
ОРХОН: Хоол боловсруулах замын дурангийн оношилгоо, эмчилгээний талаар сургалт хийж байна
ОРОН НУТГИЙН МЭДЭЭ | ОРХОН
Баян-Өндөр,2025 оны арваннэгдүгээр сарын 29/МОНЦАМЭ/. Хойд бүсийн аймгуудын хоол боловсруулах замын дурангийн эмч, сувилагчдын хамтарсан уулзалт зохион байгуулж байна.
Орхон аймагт хойд бүсийн дурангийн оношилгоо, эмчилгээний чадвар, туршлагыг нэмэгдүүлэх зорилгоор “Хоол боловсруулах замын дурангийн оношилгоо, эмчилгээний онол-практикийн сургалт” сэдэвт сургалтыг зохион байгуулж, Орхон, Булган, Хөвсгөл, Дархан-Уул аймгийн 31 эмч, сувилагч хамрагдаж байна.
Сургалтаар бүдүүн гэдэсний ургацгийн оношилгоо, эмчилгээ, ходоод, улаан хоолойн эрт үеийн хавдрын оношмлгоо, хоол боловсруулах замын цус алдалт, дурангийн тусламж үйлчилгээ, дурангийн ариутгал, халдваргүйтгэл, бүдүүн гэдэсний цэвэрлэгээ дурангийн чанарт нөлөөлөх, аймаг бүрийн дурангийн оношилгоо, эмчилгээний өнөөгийн байдал, Хөвсгөл, Дархан-Уул, Булган аймгийн хувьд ямар түвшинд байгаа зэрэг асуудлыг хэлэлцэж байна.
Сургалтын хүрээнд мөн ходоодны салст хуулах мэс заслын үзүүлэх сургалт болон дадлага хийж, эмч мэргэжилтнүүд туршлага солилцож байна.
Орхон аймгийн иргэдийн хувьд сүүлийн жилүүдэд дотор эрхтэн, зүрх судасны өвчлөл их бүртгэгдэх болсноос гадна хоол боловсруулах замын эмгэг, өвчлөл нэмэгдэх хандлагатай байгаа тул уг сургалтыг хийж байна.
