Монгол, Туркийн Засгийн газар хоорондын комисс хуралдана

МОНГОЛЫН МЭДЭЭ | УЛС ТӨР
gantuya@montsame.mn
2018-03-21 10:17:13
Улаанбаатар /МОНЦАМЭ/. Монгол Туркийн Засгийн газар хоорондын хорооны комиссын хуралдаан өнөөдөр Төрийн ордонд болно. 
Засгийн газар хоорондын комиссын хуралдаанаар хэд хэдэн асуудлыг эцэслэн шийдвэрлэж, зарим баримт бичигт гарын үсэг зурахаар төлөвлөөд байгаа юм. Гарын үсэг зурах ёслолд Туркийн талаас Шадар сайд, Монголын талаас Батлан хамгаалахын сайд Н.Энхболд оролцох юм. 

Дашрамд дурдахад, УИХ-ын дарга М.Энхболд энэ сард Турк улсад айлчлах үеэр  Орхоны хөндийд аялал жуулчлалын цогцолбор байгуулах, Улаанбаатар хотын агаар, орчны бохирдлыг бууруулах, нийтийн тээврийн үйлчилгээг сайжруулах зэрэг тодорхой төслүүдийг хэрэгжүүлэх асуудлыг ярилцан, тохиролцсон билээ. Мөн ЭКСИМ банкнаас 300 сая ам.долларын зээлийн шугамыг нээж, нэг мөр шийдэлд хүрэхээр тохиролцсон бөгөөд Засгийн газар хоорондын комиссын хуралдаанаар эцэслэн шийдэх хүлээлтэй байгаа юм.

Түүнчлэн Ирэх сард Турк улсын Ерөнхий сайд Бинали Йылдырым Монголд айлчлах хүсэлтэй байгаагаа Элчин сайдаар дамжуулан уламжилсан билээ. 
 
Холбоотой мэдээ