Ачаалж байна…
Ачаалж байна…
Монцамэ

Улаанбаатар, 2026 оны наймдугаар сарын 19 /МОНЦАМЭ/. 2026-2027 оны хичээлийн жилд ерөнхий боловсролын сургуулийн нэгдүгээр ангид элсэн орох сурагчдын бүртгэл өнгөрсөн даваа гарагт эхэлсэн билээ.
Сурагчдыг энэ сарын 28 хүртэл “Е-Mongolia” системээр бүртгэж байгаа бөгөөд энэ хичээлийн жилд Улаанбаатар хотод 38182 хүүхэд нэгдүгээр ангид элсэх төлөвтэй байна. Тэгвэл өнөөдрийн байдлаар нийслэлийн ерөнхий боловсролын сургуулийн нэгдүгээр ангид 18 мянга гаруй хүүхэд бүртгүүлжээ. 2020 оны нэгдүгээр сарын 1-нээс 12 дугаар сарын 31-ний өдөр төрсөн хүүхдүүдийг нэгдүгээр ангид бүртгэнэ.
Таван настай буюу 2021 оны нэгдүгээр сарын 1-нээс хойш төрсөн хүүхдийг бүртгэхгүй. Түүнчлэн эцэг эх, асран хамгаалагч болон хүүхдийн хаяг зөрчилтэй тохиолдолд цахимаар бүртгэхгүй бөгөөд хамран сургах тойргийн сургуулийн элсэлтийн ажлын хэсэг шийдвэрлэх юм. Цахим бүртгэлийн систем ашиглах боломжгүй бол өөрт ойр байрлах төрийн өмчийн сургууль дээр очиж, дэмжих багийн тусламжтайгаар элсэлтийн бүртгэлийг баталгаажуулах болон цуцлах боломжтой.
Хүүхдийн оршин суугаа хаягийн мэдээлэлд үндэслэн
сургуулийн хуваарилалт хийж байгаа тул энэ сарын 24-ний 17:00 цагаас өмнө
хаягийн шилжилт хөдөлгөөнөө хийсэн байх шаардлагатай юм байна.