Улаанбаатар
БУЛГАН: Англи хэлний ур чадварыг дэмжих сургалтад 65 багш хамрагдаж байна
ОРОН НУТГИЙН МЭДЭЭ | БУЛГАН
Булган, 2026 оны нэгдүгээр сарын 10 /МОНЦАМЭ/. "Алслагдсан орон нутгийн англи хэлний багш нарын ур чадварыг дэмжих нь" төслийн 2 дахь үе шат Булган аймагт хэрэгжиж байна.
Боловсролын ерөнхий газрын санаачилга, Их Британи, Умард Ирландын Нэгдсэн Хаант Улсаас Монгол Улсад суугаа Элчин сайдын яам, НҮБ-ын дэмжлэгтэйгээр "Алслагдсан орон нутгийн англи хэлний багш нарын ур чадварыг дэмжих нь" төслийн 2 дахь үе шат Архангай, Булган, Дундговь, Хэнтий, Хөвсгөл аймагт хэрэгжиж эхэллээ.
Төслийн сургалт Булган аймагт 2026 оны нэгдүгээр сарын 5-16-ны хооронд 10 хоногийн турш үргэлжилж, сургалтад англи хэлний болон бага ангийн нийт 65 багш хамрагдаж байна. Сургалтыг МУБИС-ийн магистр зэрэгтэй багш нар удирдан зохион байгуулж байна.
