Орон сууцны анхны барилгыг энэ онд дахин төлөвлөлтөд оруулна
ОРОН НУТГИЙН МЭДЭЭ | БАЯНХОНГОРБаянхонгор /МОНЦАМЭ/. Баянхонгор сумын орон сууцны анхны барилга буюу Нэгдүгээр байрыг дахин төлөвлөлтөд оруулахаар болжээ.
Рашаант 10 дугаар багийн нэгдүгээр байр буюу одоогийн нэршлээр 3-328 тоот байр нь 1964 онд ашиглалтад орсон 16 айлын орон сууц юм. Тус орон сууцын ашиглалтын хугацаа нь дууссан тухай МХГ-ын улсын байцаагчийн дүгнэлт гараад багагүй хугацаа болоод буй.
Тэгвэл 2022 онд Баянхонгор аймаг тус байрны оршин суугчдад нэг айлд 20 сая төгрөгийн дэмжлэг үзүүлж /орон нутгийн хөгжлийн сангийн 320 сая төгрөгөөр/, үлдсэн метр кв-ыг зах зээлийн доод үнээр худалдан авах нөхцөлийг олгохоор болжээ. Мөн залуу гэр бүлийг ипотекийн зээлд хамруулахаар болсон байна.