Энэ онд Бат-Өлзий, Хужирт сумыг хатуу хучилттай замаар холбоно

ОРОН НУТАГТ | Өвөрхангай
batchimeg@montsame.mn
2022-01-16 15:42:59

Өвөрхангай /МОНЦАМЭ/.  Улсын чанартай авто зам дагуух сумдыг хатуу хучилттай авто замаар холбох ажлыг эхлүүлэхээр аймгийн бодлогын баримт бичгүүдэд тусгасан.

Энэ хүрээнд Есөнзүйл, Хайрхандулаан сумыг хатуу хучилттай авто замаар холбох зураг төсвийг 90 хувь, “Арвайхээр-Хужирт-Бат-Өлзий”, “Чойр-Мандалговь-Арвайхээр” авто замуудыг шинээр барих зураг төсвийг 65 хувийн гүйцэтгэлтэй хийж байна.

2022 оны улсын төсөвт Бат-Өлзий, Хужирт сумыг холбох 49 км хатуу хучилттай автозамыг барихаар 51.6 тэрбум төгрөгийг улсын төсөвт тусгажээ.

Цаашид Бүрд, Өлзийт, Зүүнбаян-Улаан, Тарагт сумыг хатуу хучилттай авто замаар холбох, “Арвайхээр-Хужирт-Бат-Өлзий”, “Хужирт-Төвхөн хийд-Улаан цутгалан”, “Арвайхээр-Баянгол-Сайхан Овоо-Цогт овоо”, “Арвайхээр-Гурван тэс-Шивээхүрэн”, “Чойр-Мандалговь-Арвайхээр”-ийг холбосон авто замыг 2024 он хүртэлх хугацаанд барихаар төлөвлөжээ.

Холбоотой мэдээ