Хүүхдийн цогц хөгжлийг дэмжих хөтөлбөрийг хэрэгжүүлэхэд дэмжлэг хүсэв
МОНГОЛЫН МЭДЭЭ | БОЛОВСРОЛУлаанбаатар /МОНЦАМЭ/. БШУ-ы сайд Л.Энх-Амгалан Монгол дахь НҮБ-ын Хүүхдийн сангийн суурин төлөөлөгч Эваристе Коуасси-Комланыг хүлээн авч уулзлаа.
Эваристе
Коуасси-Комлан 2021 оны 11 дүгээр
сард Монгол дахь НҮБ-ын Хүүхдийн сангийн
Суурин төлөөлөгчөөр томилогдон ажиллаж байна.
НҮБ-ын
Хүүхдийн сангийн 2017-2021 онд улс орнуудад хэрэгжүүлсэн хөтөлбөрүүд дуусаж үр
дүнгээ дүгнэн цэгнэж буй юм.
2022-2027 он хүртэлх ирэх 5 жилийн хугацаанд улс орнуудад хэрэгжүүлэх төслүүдээ
төлөвлөж байгаа цаг үед боловсролын салбарт хамтран ажиллах асуудлаар санал
солилцож байгаад баяртай байгаагаа уулзалтын эхэнд Боловсрол, шинжлэх ухааны
сайд Л.Энх-Амгалан илэрхийлээд, хамтран ажиллах хэд хэдэн санал дэвшүүллээ.
Үүнд:
-Гурав
хүртэлх насны хүүхдийн цогц хөгжлийг
дэмжих хөтөлбөрийг хэрэгжүүлэхэд дэмжлэг үзүүлэх
-Боловсролын салбарын
цахим шилжилтийг хэрэгжүүлэхэд тулгамдсан асуудал болох сургууль,
цэцэрлэгүүдийн цахилгаан эрчим хүч, интернэт холболтыг шийдвэрлэхэд GIGA
төсөл дээр хамтарч ажиллах
-Хөгжлийн бэрхшээлтэй хүүхэд болон үндэсний цөөнхийн хүүхэд бүрийг тэгш хамран сургах гэсэн 3 чухал асуудалд хамтран ажиллахыг Монгол дахь НҮБ-ын Хүүхдийн сангийн Суурин төлөөлөгчөөс хүслээ.
НҮБ-ын Хүүхдийн сан өнгөрсөн 5 жилийн хугацаанд боловсролын салбарт 12 сая ам.долларын хөрөнгө оруулжээ.