Улаанбаатар
Ойрын өдрүүдэд аадар бороо орохыг анхааруулав
ОРОН НУТГИЙН МЭДЭЭ | БАЯНХОНГОР
Баянхонгор /МОНЦАМЭ/. Өнөөдөр нийт нутгаар, 21, 23, 24-нд хангай, тал хээр, говийн нутгийн зарим газраар аадар бороо орохыг аймгийн УЦУОША-наас мэдээллээ. Мөн өдрүүдэд үер, усны аюулаас сэрэмжтэй байхыг нийт иргэдэд аймгийн Онцгой байдлын газраас мөн анхааруулав.
20, 24-нд салхи говийн нутгаар 8-13м/с, зарим үед 14-16м/с хүрч ширүүсч, бусад хугацаанд нийт нутгаар 6-11м/с байх юм байна.
Энэ долоо хоногийг дуусталх хугацаанд Хангайн уулархаг нутгаар шөнөдөө 7-12 градус, өдөртөө 17-22 градус, тал хээрийн нутгаар шөнөдөө 11-16 градус, өдөртөө 19-24 градус, говийн нутгаар шөнөдөө 16-21 градус, өдөртөө 25-30 градус дулаан, Эхийн голын Баянбүрд орчмоор шөнөдөө 20-25 градус, өдөртөө 30-35 градус дулаан байх аж.
