Ачаалж байна…
Ачаалж байна…
Монцамэ

Сэлэнгэ/МОНЦАМЭ/. Сэлэнгэ аймгийн төв Сүхбаатар суманд коронавируст халдварын батлагдсан тохиолдлын тоо эрс нэмэгдэж байна. Үүнтэй холбогдуулан тус сумын Засаг дарга А/125 захирамжаараа дараах шийдвэрийг гаргасан байна.
Тодруулбал:
-Сүхбаатар сум руу орох хөдөлгөөнийг энэ сарын 18-ны 00:00 цагаас энэ сарын 21-ний өдрийн 00:00 цаг хүртэлх хугацаанд эмнэлгийн 13"А" маягт, буяны ажил, шатахуун, хүнс тээврээс бусад тохиолдолд хязгаарлах.
-Хязгаарлалтын хугацаанд 18 градусаас дээш согтууруулах ундааг 12:00-18:00 цагийн хооронд худалдан борлуулах, халдвар хамгааллын дэглэмийг чанд баримтлан үйлчлэх.
-Төрийн байгууллага, аж ахуй нэгжийн албан хаагчдын 30 хүртэлх хувийг ажлын байранд ажиллуулах зэрэг шийдвэрийг гаргалаа.