Улаанбаатар
Мьянмар “Спутник V” вакциныг бүртгэжээ
ДЭЛХИЙН МЭДЭЭ | ЭРҮҮЛ МЭНД
НЕЙПИДО. /TASS/.
ОХУ-ын “Спутник V” коронавирусний вакциныг Мьянмарт
бүртгэлээ гэж “Спутник V” вакцины
“Twitter” хуудас мэдээлжээ. Ийнхүү
Мьянмар уг вакциныг бүртгэсэн 21 дэх орон болжээ.
ОХУ-ын Шууд хөрөнгө
оруулалтын сангийн мэдээлснээр, Мьянмар “Спутник V” вакцинд онцгой байдлын үед ашиглах зөвшөөрөл
олгосон ажээ.
“Мьянмар дэлхийн
хамгийн үр дүнтэй, аюулгүй вакцинуудын нэг болох “Спутник V”-г бүртгэсэн Зүүн Өмнөд Азийн анхны орон
боллоо. Энэхүү вакцины эрэлт цаашид улам
нэмэгдэх төлөвтэй байгаа бөгөөд бид түнш орнууддаа иргэдийнхээ эрүүл мэндийг
хамгаалахад дэмжлэг үзүүлэхэд бэлэн байна” гэж Шууд хөрөнгө оруулалтын сангийн тэргүүн
Кирилл Дмитриев мэдээлжээ.
“Оросын вакциныг
онцгой байдлын үед ашиглах журмаар бүртгэх шийдвэрийг Мьянмарын түр Ерөнхийлөгч
Мин Аунг Хлаинг гаргасан” гэж Оросын цэргийн дипломат эх сурвалж бямба гаргийн
өглөө сэтгүүлчдэд мэдээлжээ. Эх сурвалжийн мэдээлснээр, Оросоос вакциныг
бүртгэх үйл явцад зориулан илгээсэн вакцины эхний хэсгийг Мьянмар нэгдүгээр
сард хүлээн авсан байна.
