Баян-Өлгийд он гарснаас хойш зургаан хүн усанд осолдож амь насаа алджээ

Орон нутагт | Баян-Өлгий
bayanulgii@montsame.gov.mn
2020-08-06 09:46:05

Баян-Өлгий /МОНЦАМЭ/. Баян-Өлгий аймгийн хэмжээнд 2020 он гарснаас хойш зургаан иргэн усанд осолдож амь насаа алджээ.

Үүнээс таван тохиолдол аймгийн төвд, нэг тохиолдол Цэнгэл сумд бүртгэгдсэн байна. Усанд осолдсон тохиолдлын ихэнх нь санамсаргүй байдлаар гарч байгаа. Тиймээс хүмүүс амралт зугаалгаар явахдаа сонор сэрэмжтэй байж, архи согтууруулах ундаа хэрэглэхгүй байх, баталгаатай гүүр, гармаар зорчих, бага насны хүүхдийг харгалзах хүнгүйгээр гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах, голын усанд /тогтоол ус/ орох, сэлэх, голын эрэг дагуу удаан хугацаагаар байрлахгүй байхыг анхааруулж байна.

Холбоотой мэдээ