Толбо сум Баруун бүсийн тэргүүний сумаар шалгарав

ОРОН НУТГИЙН МЭДЭЭ | БАЯН-ӨЛГИЙ
bayanulgii@montsame.gov.mn
2020-05-26 12:01:29

Баян-Өлгий /МОНЦАМЭ/. Баян-Өлгий аймгийн Толбо сум баруун бүсийн Тэргүүний сумаар шалгарчээ.

Баруун бүсийн зөвлөлөөс Тэргүүний сумаар шалгаруулахдаа Монгол Улсын Засгийн газрын үйл ажиллагааны хөтөлбөрийг хэрэгжүүлэх ажлын хүрээнд сум орон нутгийн эдийн засаг, нийгмийг хөгжүүлж, иргэдийн ашиг орлогыг нэмэгдүүлэх, үйлдвэр үйлчилгээг өргөжүүлэх чиглэлээр гаргасан амжилтыг нь харгалзан үзсэн аж.

Тэргүүний сумын шагнал болох өргөмжлөл, тугийг Ховд аймгийн Засаг дарга бөгөөд Баруун бүсийн зөвлөлийн дарга Б.Дүгэржав, Баян-Өлгий аймгийн Засаг дарга А.Гылымхан нар энэ сарын 25-ны өдөр сумын удирдлагуудад гардуулж өглөө.

Баян-Өлгий аймгийн Толбо сум нь 4200 хүн амтай, 251 мянган малтай, аймгийн төвтэй хар замаар холбогдсон цорын ганц сум юм.       

Холбоотой мэдээ