“Huawei”-д программ хангамж худалдахыг зөвшөөрчээ
ДЭЛХИЙН МЭДЭЭ | ЭДИЙН ЗАСАГНЬЮ-ЙОРК. /Bloomberg/. Хятадын “Huawei”
компанид программ хангамж худалдах тусгай зөвшөөрлийг АНУ-ын Худалдааны яам “Microsoft”
компанид олгожээ.
Зарим нэр
төрлийн бараа бүтээгдэхүүнийг “Huawei” компанид нийлүүлэхийг Америкийн хэд
хэдэн компанид олгож буй зөвшөөрлийг 2020 оны 2 дугаар сарын дундуур хүртэл
сунгасан тухай АНУ-ын Худалдааны яам өмнө нь мэдэгдсэн билээ. АНУ-ын үндэсний
аюулгүй байдалд нөлөөлөхгүй тохиолдолд ийм нийлүүлэлт хийхийг зөвшөөрсөн байна.
Энэхүү тусгай зөвшөөрлийг сунгасан нь АНУ-ын засаг захиргааны энэ онд авсан
хоригт орохгүй байх боломжийг компаниудад олгож байгаа аж.
АНУ-ын
мэдээлэл-харилцаа холбооны дэд бүтцийг гадаадын аюул заналаас хамгаалах
зорилгоор онц байдал тогтоох тухай зарлигт тус улсын Ерөнхийлөгч Дональд Трамп
тавдугаар сарын 15-нд гарын үсэг зурсан билээ. Үүнтэй холбогдуулан тус улсын
Худалдааны яам “Huawei” компанийг "үндэсний аюулгүй байдалд заналхийлж
байна" гэж үзэн тавдугаар сарын 17-ны өдрөөс эхлэн хар жагсаалтад
оруулсан.
“Huawei” болон
Хятадын “ZTE” компанид үйлдвэрлэсэн тоног төхөөрөмжийг ашиглахыг АНУ-ын Засгийн
газрын байгууллагад хориглосон захирамжид Ерөнхийлөгч Дональд Трамп өнгөрсөн
оны 8 дугаар сард гарын үсэг зурсан юм. АНУ-ын эрх баригчдын энэхүү шийдвэрийг
эрхэнд нь халдсан хэмээн үзэж байгаагаа “Huawei” компанийн төлөөлөгчид
илэрхийлсэн юм.