БНХАУ-ын бараанд ногдуулсан татварыг нэмэх хугацааг хойшлуулжээ
ДЭЛХИЙН МЭДЭЭ | ЭДИЙН ЗАСАГВАШИНГТОН. /Reuters/.
БНХАУ-ын засаг захиргаа нааштай
дохио ирүүлсэнтэй холбоотойгоор тус улсын 250 тэрбум ам.долларын бараа
бүтээгдэхүүнд ногдуулсан татварыг нэмэх хугацааг хойшлуулна гэж АНУ-ын Ерөнхийлөгч
Дональд Трамп мэдэгджээ.
Д.Трамп твиттер
хуудсандаа нийтлэхдээ, Хятадын бараа бүтээгдэхүүнд ногдуулсан татварыг ирэх 10
дугаар сарын 1-нээс 5 хувиар нэмэх шийдвэрийн хэрэгжиж эхлэх хугацааг
хоёр долоо хоногоор хойшлууллаа гэжээ. Энэхүү шийдвэрийг Хятадын хүсэлтээр гаргасны зэрэгцээ Бээжин АНУ-ын зарим бараа бүтээгдэхүүний татварыг
чөлөөлсөнтэй холбоотой гэж тэрбээр бичсэн байна.
АНУ, БНХАУ-ын
хооронд урт хугацаанд үргэлжилж байгаа худалдааны маргааныг зохицуулах шинэ
хэлэлцээг удахгүй зохион байгуулахаар бэлтгэж байгаа үед энэ үйл явдал болжээ. БНХАУ-ын
250 тэрбум ам.долларын өртөг бүхий бараа бүтээгдэхүүнд ногдуулсан 25 хувийн
татварыг өсгөж, 30 хувьд хүргэнэ гэж өнгөрсөн наймдугаар сард АНУ-ын засаг
захиргаа мэдэгдсэн юм.
10 дугаар сарын 1-нд
БНХАУ байгуулагдсаны ой тохиохтой холбогдуулан улсынхаа бараа бүтээгдэхүүнд
ногдуулсан татварыг нэмэх хугацааг хойшлуулахыг БНХАУ-ын Төрийн зөвлөлийн Шадар
сайд Лю Хэ АНУ-ын Ерөнхийлөгчөөс хүссэн ажээ.