Ulaanbaatar
Оросын жүдоч төрийн дууллаа эгшиглүүлэв
ДЭЛХИЙН МЭДЭЭ | СПОРТ
МОСКВА, 2025 оны арваннэгдүгээр
сарын 29 /РИА Новости/. Абу-Дабигийн Их дуулгын тэмцээнд оролцож буй жүдоч
Аюб Блиев алтан медаль хүртсэнээр 2022 оноос хойш анх удаагаа медалийн тавцанд Оросын
төрийн далбааг мандуулж, төрийн дууллыг эгшиглүүллээ.
Тэрбээр 60 кг хүртэлх жингийн
финалд Монголын тамирчин Энхтайваны Ариунболдыг ялсан бол -66 кг-ийн жинд Мурад
Чопанов Францын жүдоч Валид Хярт ялагдсанаар мөнгөн медаль хүртсэн байна.
Арабын Нэгдсэн Эмират улсын нийслэл Абу-Дабу хотод 28-30-нд болж буй Их дуулгын тэмцээн бол Оросын жүдочдын хувьд төрийнхөө далбаан дор олон улсын тэмцээнд оролцох эрхийг нь сэргээснээс хойших анхны тэмцээн юм. 2022 оны хоёрдугаар сард ОУОХ-ноос олон улсын спортын холбоодод хандан Оросын тамирчдыг уралдаан тэмцээнүүдэд оролцуулахгүй байхыг зөвлөмж болгосон юм. Үүний дагуу ихэнх холбоод Оросын тамирчдад хориг тогтоосон байна. Хэсэг хугацааны дараа ОУОХ-оос “хоригоо зөөлрүүлж, Оросын тамирчдыг бие даасан статустайгаар тэмцээнд оролцуулахыг” зөвлөмж болгожээ.
Энэ сарын 27-ны өдөр Олон улсын жүдогийн холбооны /IJF/ Гүйцэтгэх зөвлөл “олон улсын тэмцээнүүдэд үндэснийхээ бэлгэдлийн дор оролцох эрхийг Оросын жүдочдод сэргээн олгох нь зүйтэй” гэсэн саналыг дэмжсэн билээ.
Өдгөө 28 настай Аюб Блиев
Будапешт хотноо энэ онд болсон ДАШТ-ээс хүрэл медаль, Подгорица хотод болсон
Европын аварга шалгаруулах тэмцээнээс мөнгөн медаль хүртсэн юм. Мөн тэрбээр
Оросын АШТ-д түрүүлснээс гадна тус тэмцээний мөнгө, хүрэл медальтан юм.
