Ulaanbaatar
Рене Зеллвегер, Хью Грант нар “Брижит Жонс”-ын шинэ ангид тоглоно
ДЭЛХИЙН МЭДЭЭ | СОЁЛ УРЛАГ
ВАШИНГТОН, 2024
оны дөрөвдүгээр сарын 10 /CNN/. Америкийн жүжигчин Рене Зеллвегер олны хайрыг татсан Брижит Жонсын дүрийг дахин бүтээхээр болжээ.
“Оскар”-ын хоёр удаагийн шагналт тэрбээр “Брижит Жонс” киноны дөрөвдүгээр анги болох “Bridget Jones: Mad
About the Boy” кинонд
тоглох гэж байна. Уг киног Английн зохиолч Хелен Филдингийн зохиолоор сэдэвлэн бүтээх ажээ.
Түүнчлэн 2001
онд анх удаа үзэгчдийн хүртээл болж байсан “Брижит
Жонсын өдрийн тэмдэглэл”
болон 2004 онд дэлгэцнээ гарсан хоёрдугаар
ангид Даниел Кливерийн дүрийг бүтээж байсан Английн жүжигчин Хью Грант шинэ дөрөв дэх ангид Р.Зеллвегертэй хамтран
тоглоно.
Х.Грант
2016 онд дэлгэцнээ гарсан гурав
дахь анги болох “Брижит
Жонсын хүүхэд” кинонд
тоглоогүй боловч түүний дүр
нь уг киноны үйл явдлын нэг хэсэг байсан юм. Мөн гуравдугаар ангид эмч Роулингсийн дүрийг бүтээсэн Эмма Томпсон
шинэ ангид дахин тоглохоор болсон бол Чиветел Эжиофор, Лео Вудалл нарын бүтээсэн
шинэ дүрүүд ч мөн гарах гэнэ.
Р.Зеллвегер
2002 онд “Брижит Жонсын
өдрийн тэмдэглэл” киногоороо “Оскар”-ын наадмын гол дүрийн шилдэг жүжигчний шагналд нэр дэвшиж байсан бол 2004 онд “Cold Mountain” киногоороо шилдэг туслах дүр, 2020 онд “Judy”
киногоороо шилдэг гол дүрийн шагналыг
тус тус хүртэж байв.
“Bridget Jones: Mad About the Boy” киноны нээлтийг 2025 оны хоёрдугаар сарын 14-нд хийхээр товложээ.
