Хатгаа өвчний вакцинд 2, 4, 9 сартай хүүхдүүдийг хамруулна
МОНГОЛЫН МЭДЭЭ | ЭРҮҮЛ МЭНДДархлаажуулалтын зөвлөх хорооны Дэд дарга, ДЭМБ-ын Бүсийн хорооны улаанбурханы тархалтыг таслан зогсоосныг баталгаажуулах хорооны гишүүн, Академич, профессор, вирус судлаач П.Нямдаваагаар ахлуулсан ажлын хэсэг өчигдөр ЭМСЯ-нд хуралдлаа.
Тус хурлаар Монгол улсад 0-5 насны хүүхдүүдийн дунд уушгины хатгаа өвчний үүсгэгчийн зонхилох шалтгаан болж буй пневмококкын 13 цэнт вакциныг сонгосон хоёр дүүрэгт нэвтрүүлэх, насны тов болон нэвтрүүлж эхлэх хугацааны саналыг танилцуулан ирэх 5 дугаар сарын 1-ний өдрөөс эхлэн 2, 4, 9 сартай хүүхдүүдийг пневмококкын 13 цэнт вакцинаар дархлаажуулж эхлэхээр шийдвэр гаргав.
Мөн полиомиелитийн гурван цэнт вакцинаас хоёр цэнт вакцинд шилжих Үндэсний шилжих өдрийг ирэх 4 дүгээр сарын 27-нд болгохоор нэгдсэн шийдэлд хүрчээ.
Ж.Болор