Ulaanbaatar
Усан цэргүүдийг нь нэн даруй сулласанд талархал илэрхийллээ
ДЭЛХИЙН МЭДЭЭ | УЛС ТӨРВАШИНГТОН. /ВВС/. Нутаг дэвсгэрийнх нь усанд нэвтэрсэн АНУ-ын 10 усан цэргийг Иран улс нэн даруй сулласанд АНУ талархал илэрхийлсэн байна.
Улсыг аюулгүй байлгахад дипломат ажиллагаа чухал үүрэгтэй болохыг энэ асуудал харууллаа гэж АНУ-ын Төрийн нарийн бичгийн дарга Жон Керри мэдэгджээ.
Уг асуудлыг зохицуулахаар АНУ-ын Засгийн газраас авсан арга хэмжээг тус улсын Ерөнхийлөгчийн сонгуульд Бүгд найрамдах намаас нэр дэвшигчид буруушаасан байна. Тэд мөн Ирантай байгуулсан цөмийн гэрээг буруушаасан билээ.
Персийн буланд сургууль хийж явсан АНУ-ын хоёр хөлөг онгоцны нэг нь эвдэрч, улмаар цэргүүд нь Ираны цэргийнхэнд баривчлагдсан байна.
АНУ-ын усан цэргүүд уучлалт гуйсны дараа тэднийг сулласан гэж Ираны хэвлэлд мэдээлжээ. Гэтэл энэ мэдээллийг АНУ-ын дэд Ерөнхийлөгч Жо Байден няцааж, хөлөг онгоцонд өчүүхэн төдий асуудал гарсан бөгөөд уучлалт гуйхаар зүйл болоогүй гэж мэдэгджээ.
Д.Нямтулга
