top banner

Гаалийн байгууллага энэ онд 2.2 их наяд төгрөгийн орлого улсын төсөвт төвлөрүүлнэ


2018-02-21 17:35:24
Зураг
Улаанбаатар/МОНЦАМЭ/. Гаалийн байгууллага он гарсаар улсын хилээр хууль бусаар химийн бодис, донтуулагч бодис /мими/ оруулах гэсэн хууль бус үйлдлийг таслан зогсоож, холбогдох байгууллагад шалгуулахаар хүлээлгэн өгчээ.

Тус газраас авсан мэдээллээр өнгөрсөн 2017 онд гаалийнхан 2078 зөрчил илрүүлж, үүнээс 128-ыг нь эрүүгийн хэрэг үүсгэн шалгуулахаар шилжүүлсэн байна.

Эдгээр 128 хэрэгт холбогдуулан иргэд, аж ахуйн нэгжээс 700 сая төгрөгийн барааг саатуулах буюу хураасан үзүүлэлт байна. Мөн дээрхтэй холбоотойгоор 1.5 тэрбум төгрөгийн торгууль ногдуулж, 1.9 тэрбум төгрөгийн татвар нөхөн төлүүлсэн байна. Гаалийн байгууллага өнгөрсөн онд 1.8 их наяд төгрөгийн орлого улсын төсөвт төвлөрүүлжээ. Харин энэ онд 2.2 их наяд төгрөгийн орлого улсын төсөвт төвлөрүүлэх төлөвлөгөөтэй байгаа юм

Монгол Улсын Гаалийн ерөнхий газар БНХАУ, ОХУ-ын гаалийн байгууллагатай 2017 онд хамтын ажиллагаагаа илүү өргөжүүлсэн бөгөөд гааль дээрх хэрэг зөрчлөөс урьдчилан сэргийлэх чиглэлээр мэдээлэл солилцох, харилцан ажиллагаа явуулах, сургалт судалгаан дээр хамтарч ажиллах чиглэлээр түлхүү ажиллаж байна.

Монгол брэнд